"Girl, ano na namang kadramahan ito? May pasok pa ako bukas. Sa Monday pa ang leave ko para sumunod sa yo..." reklamo ko kay Clover.
Dumating ang driver nila sa office at pinapasundo daw ako ni Clover para sumama sa kanila. Umuwi kasi si Clover sa parents niya dahil may importante daw silang pag-uusapan.
["Hannah, hwag ka nang magreklamo. Ako ngang ikakasal hindi makareklamo, ikaw pa. Pero ganun pa man, hindi ako papayag na hindi ikaw ang Maid of Honor ko."] narinig kong sagot sa kin ni Clover.
"Ano? Sinong ikakasal? Wait. Hintayin mo ko. Huwag kang matutulog. Marami kang ipapaliwanag sa akin. Bye," putol ko sa usapan namin.
"Tara na po. Kukuha muna ako ng damit sa apartment ko," sabi ko sa driver nila.
SA biyahe na ako nagpaalam kina Nanay na papunta ako kina Clover. Pero hindi ko na
