Gusto kong mapag-isa. Hindi ko alam kung mukha ba akong tanga o kawawa rito sa mall dahil sa hitsura ko pero gusto ko lang talagang mapag-isa ngayon.
Hindi ko alam kung nasa'n si Kiel. Kung umalis na ba siya sa university pagkatapos ko siyang iwan sa gate six. Hindi ko rin alam kung nasa'n si Enz. Kung talaga bang ayaw na niya sa akin. Kung pareho na ba talaga silang wala sa buhay ko.
Ang dami kong tanong. Maraming gumugulo sa isip ko. Noon, madalas kong itanong kung kailan kaya ako mamahalin ni Kiel. Pero sabi ko sa sarili ko, malabong mangyari 'yon. Kaya nagtanong ulit ako. Sabi ko, kailan kaya ako makakahanap ng taong magmamahal sa akin tulad ng pagmamahal ko kay Kiel? Tapos, dumating si Enz. Pero sinaktan ko lang siya.
Hindi ko inaakalang may mangyayaring ganito sa buhay ko. Na may
