"Guys, o-order na kami nina James. Wala na ba kayong idadagdag?" tanong ni Cip pagkatapos naming ibaba sa chairs ang mga bags namin.
Magla-lunch muna kami sa isang chicken place bago magpalit ng uniform. Formal attire ang suot naming lahat ngayon dahil kakatapos lang ng research defense namin sa Experimental Psychology. Buti nga, good results naman ang nakuha namin kaya nabawasan ang stress ko.
"Uy," tawag sa akin ni Dian habang inaayos ko ang blazer na suot ko. "Monthsary niyo ni Enz ngayon, 'di ba?" tanong niya at tumango naman ako.
Tumingin din sa akin si Lyn, naghihintay ng sagot ko. Alam naman niya ang mga nangyayari, hindi ko na nga lang na-i-kuwento sa iba pa naming kaibigan dahil busy rin naman kami sa research.
"Yeah.. dapat," sagot ko. "Hindi ko nga alam kung kami pa, eh."
"
