Chapter 68
Buong buhay ko, palagi na lang akong minamaliit at hinuhusgahan. Kulang na lang ay maging apelyido ko na ang salitang talunan dahil paulit-ulit itong tinatawag sa akin. Ang buong akala ko rin, wala na akong pag-asa.
Pero…
Nagbago ang lahat nang mapunta ako sa Kaizen Academy. Dito ako nagkaroon ng pagkakataon na mapatunayan ang sarili ko. Dito ko rin nasaksihan ang mga bagay na akala ko ay imposible nang mangyari. At dito ko nalaman na mayroon akong natatanging kakayahan. Kaya gagawin ko ang lahat para hindi ito masayang.
Dahan-dahan kong inangat ang ulo ko at kasabay ng pagtulo ng dugo mula sa aking noo. Nakararamdam ako ng sakit pero nababalewala ito ng determinasyon kong talunin siya. Walang emosyon ko siyang tiningnan habang siya ay malapad na nakangiti dahil sa inaasaha
