Chapter 60
“Ang sumunod ay si Tyson Dela Cruz ng Class Diamond. Siya ’yung lalaking nakasama natin sa ilalim doon sa loob ng maze kanina,” kuwento niya.
Inalala ko ang hitsura ng mayabang na lalaki na kasama naming nahulog sa butas. Humingi ako ng tulong sa kanila pero tanging pagngisi lang ang sinagot nila ng kaibigan niya sa akin.
Kunot-noo akong napatitig sa pangalan nito na nasa screen.
Sandali? Dapat ba talaga akong mainis?
Parang hindi naman siguro. Sabagay, naiintindihan ko na rin pala. Hindi ako dapat mainis dahil magkakalaban kami sa loob. Hindi rin naman nila ako kaklase kaya wala silang dahilan para tumulong sa amin.
Hindi ko na dapat ’yon personalin.
Ang laban ay laban.
Pero, hindi mawawala sa isip ko ang pagiging mayabang niya.
“Tyson pala ang pangalan niya,” sabi
