Chapter 25
SUMANDAL ako sa bench at tumingala para pagmasdan ang madilim na kalangitan. Ang payapa ng paligid, nakagagaan din sa pakiramdam ang malamig na simoy ng hangin.
Nandito ako ngayon sa park. Ginawa ko na itong tambayan tuwing gabi. Mas magandang magpahinga rito kaysa dorm, nauumay na kasi ako sa pagmumukha ng kulugong si Xyrus kaya mas mabuting dito na lang ako, iwas na rin sa gulo. At baka tumambay ulit dito ang inspirasyon ko na hanggang ngayon ay hindi ko pa rin alam ang pangalan niya.
Hindi ko maiwasang mapangiti habang pinagmamasdan ang kapaligiran.
“Hindi ako makapaniwala. Hanggang ngayon, nandito pa rin ako.” Nakangiti akong tumingin sa direksyon ng napakalaking logo ng Kaizen Academy na nasa gate.
Ang dami nang nangyari. Ilang beses na akong muntik mapaalis pero nas
