Chapter 62
Makalipas ang ilang oras. Madilim na ang paligid sa labas at mas lumamig pa ang buong lugar. Nakahiga pa rin ako rito at nagpapahinga. Medyo nanakit pa ang buong katawan ko pero kaya ko nang gumalaw-galaw.
Balak ko nang tumayo at maglibot sa labas. Naiinip na rin kasi ako rito sa loob. Pakiramdam ko, lalo akong manghihina kung hindi ako kikilos.
Nakapagpahinga na rin naman ako nang kaunti kaya sa tingin ko, puwede nang kumilos.
Malalim akong napabuntong-hininga at tumingin sa pintuan.
“Gusto kong lumabas,” sabi ko sa sarili.
Marahan akong bumangon at pinakiramdaman ang buong katawan ko. May kumikirot pa sa ilang parte nito pero kaya ko pa rin namang tiisin. Baka gumaling din ako agad kapag tuluyan nang nabanat itong mga buto ko. Dahan-dahan akong tumayo at gumawa ng ilan
