Chapter 35
May posibilidad na kayang gayahin ang special skill ng iba o kayang makuha ang skill nila sa loob ng ilang minuto. Ibang klase.
“T-talaga po, Ma’am?” hindi makapaniwalang tanong ko.
“Bingi ka ba? Mata mo ang sinuntok ko pero tainga mo ang napuruhan,” pambabara sa akin ni Xyrus.
Pinanlisikan ko siya ng mata. Nagtatanong ako nang maayos pero sisingit siya para sa walang kuwentang sasabihin.
Napailing na lang ako at ibinalik ang tingin kay Ma’am Pilar. Bahagya siyang tumango bilang pagkumpirma. Nakikita ko rin sa hitsura niya na sigurado siya sa kanyang sinabi.
“Whoa? Power mimicry ang special skill mo? Ang lupet naman!” manghang kumento ni King.
“Ang galing! Ibig sabihin, napakalakas talaga ni Waiz,” natutuwang sambit naman ni Vanna.
Kung totoo nga ito, ang angas kung
