Chapter 36
“Saan mo gustong pumunta?” tanong ko habang nililibot ang tingin sa daan.
“Kahit saan,” sagot niya.
“Huh?” Nahihiya akong ngumiti at napakamot sa ’king batok. Mukhang makakapag-isip ako ng matindi sa sinagot niya.
Kahit saan? Ang hirap naman alamin kung ano ang kahit saan na tinutukoy niya. Hindi ko alam kung paano hahanapin ’yon. Nagdadalawang-isip naman ako na mag-suggest ng pupuntahan. Baka kapag pumili ako ng lugar, hindi naman niya magustuhan.
“Saan natin hahanapin ’yon?” pabirong tanong ko at napahawak sa ’king batok.
“Basta, kung saan na lang tayo huminto,” natatawang sagot niya.
“Sige,” sabi ko at bahagyang tumango bilang tugon.
Ibinaling niya na ang tingin sa mga nadaraanan namin. Magkasabay kaming naglalakad pero may malaking distansya pa rin sa pagitan nami
