"SAYANG naman. Akala ko naman ay totoo na." Napalatak si Veron. Hinayang na hinayang ito sa nalamang katotohanan.
Nahihiyang ngumiti si Kim sa kaibigan. Nagkwekwentohan sila sa locker room nila na magkaibigan. At inamin na niya kay Veron na pagpapanggap lang ang mga nangyari, walang katotohanan, drama lang, echoss lang, kagagahan lang.
Dito siya kasi nagtungo sa locker room nila pagkatapos niyang walt-out-an si Sir Jay nila na galit sa kanya. Umiiyak siya na patakbo niyang iniwan ang binata. Kasi naman nakaka-hurt na ito ng damdamin. Sabihan ba naman siyang stupid. Eh, wala naman siyang ginawang masama. Malay ba niya na nasa VIP room pala ang ex nito. Hindi naman siya manghuhula para malaman sana na nando'n 'yon.
"Akala ko pa naman ay mapro-promote na ako kasi girlfriend ka na ni Sir J
