"SURE ka? 'Di ka uuwi?" paniniguro ni Veron nang sunduin niya si Kim sa penthouse. Nasa pinto sila ng penthouse na nag-uusap.
"Oo, naisip ko kasi baka gabi lang talaga lumalabas ang daga kaya wala pa ako nahuhuli kahit isa rito. Sasamantalahin ko sila mamayang gabi," busangot ang mukhang sagot niya sa kaibigan, kahit na alam niyang wala talagang mahahanap. Sana lang talaga magkahimala, may mapadaan ba, ganern .
"Talagang pinaninidigan mo? Eh, imposible naman talagang makakuha ng daga rito, noh? 'Wag ka ngang bobo."
Marahas na nakamot-kamot niya ang buhok sa likod ng kanyang ulo at nagpapadyak. "Kasi naman, eh! Wala nga akong choice! Keysa naman matanggal ako sa trabaho, 'di ba?!"
Natitig si Veron sa kanya. May awa sa mukha nito na ginagap ang dalawa niyang palad. "Sige na. Okay na. Huw
