UMAGA nang magpasya si Liam na umalis ng penthouse. Iniwan niya ang nobya at ang ina nito na mahimbing pang natutulog. Hindi na siya nagpaalam pa dahil hindi nais maabala ang tulog ng mga ito, nag-iwan na lamang siya ng sulat sa pintuan ng refrigerator. Iminaneho niya ang sasakyan patungo sa condo unit ni Dylan. Hindi naman siya nagmamadali ngunit mabilis ang kaniyang pagpapatakbo. Kagabi niya lamang napagtanto kung gaano siya kailangan ni Dylan ngayon. Isasantabi niya muna ang hiyang nararamdaman para sa kasalanang nagawa sa lalaki. He knew Dylan will understand everything, but he wanted to be with his side even in his darkest days. Ngayon siya lalong kinakailangan ni Dylan hindi lamang bilang kaibigan kundi para na ring kapatid.
Pagkarating sa unit nito ay ang tahimik na paligid ang ka
