HUMUPA ang lahat ng kung anong nararamdaman ni Liam, at ipinagdarasal niyang sana ay ganoon din ang maramdaman ni Dylan. Matatag ito at malakas, batid niyang kakayanin nito ang lahat. Ngunit kahit ganoon pa man, nais niyang manatili sa tabi nito sa kahit na anong unos na dumating. “Liam, saan ka galing?” takhang tanong ng nobya nang pumasok siya sa penthouse. Katabi nito ang ina at kumakain na ng agahan. “Ang sabi mo lang sa iniwan mong sulat ay may pupuntahan ka. Hindi mo sinabi kung saan.” Napasimangot ito.
Natawa na lamang siya. Lumapit dito at mabilis na humalik sa labi. “Binisita ko si Dylan.”
Namilog ang mga mata ng nobya at tumingin sa kaniya nang nagtataka. Tila hindi ito naniniwala sa kaniyang sinabi. “K-kamusta?” she asked suddenly. Sinimulan nitong isipin kung ano ang nagana
