MABILIS pang dumaan ang mga araw. Huminto si Piper sa pagtatrabaho para sa kaniyang kaligtasan. Pansamantalang si Liam ang sumusuporta sa kanilang pamilya habang nananatili sa Maynila. Nahihiya na nga siya sa nobyo. Nais mang bumalik sa trabaho ngunit hindi magawa dahil sa taong nagbabadya sa kaniyang buhay. Lalo siyang pinaghigpitan ni Liam sa paglabas ng penthouse nang tatlong araw makaraan ay nakatanggap siyang muli ng parehong card noon na nasa kaniyang locker bago madukot. Dapat ay noong isang araw pa nakabalik si Liam sa hacienda ngunit nakiusap ito sa ama ng ilan pang linggo, dahil nag-aalala ito sa kaniyang kalagayan. Maaga siyang nagising at pagduduwal ang bumungad sa kaniya. Makailang beses siyang pumasok sa banyo dahil sa pag-ikot ng sikmura.
“Are you okay?” tanong ni Liam na
