MARAHANG nagmulat ng mga mata si Dylan, at ang matinding pagkirot ng sintido ang agad na bumungad sa kaniya. Napahawak siya roon at napadaing sa sakit nito. “s**t! What the fvck!” mariin niyang mura at marahan na bumangon mula sa kinahihigaang sofa. Dumampi sa kaniyang balat ang lamig ng air conditioner sa silid, bumaba kasi ang kumot na nakabalot sa kaniya at doon niya napagtanto ang kahubaran. Kumunot ang kaniyang noo sa pagtataka kung ano ang nangyari at paanong paggising niya ay hubo at hubad na siya, idagdag pang napakasakit ng ulo at uhaw na uhaw ang kaniyang lalamunan.
Inilibot niya ang paningin sa paligid. Nakapatong sa ibabaw ng center table ang kaniyang mga damit; maayos itong nakatupi. Sinubukan niyang alalahanin kung ano ang nangyari. Ilang minuto siyang nakatulala nang bigla
