TUWANG-TUWA si Luisa pagkatapos nilang makausap ni Dylan ang nagbabantay sa garden. Isa itong matandang babae na ayon kay Dylan ay pinsan ng lola ni Liam. Kaagad itong pumayag na mamasukan si Luisa roon. Malaki ang naturang hardin at napakarami ring tauhan ang nagtatrabaho roon. Isa itong leisure farm at hindi sa tanang buhay ni Luisa naisip na makapapasok siya sa ganitong trabaho. Maigi na lamang at kumpleto niya na halos ang mga requirements na kinakailangan sa pagsisimula niya sa bagong trabaho at dinala niya ito ngayong araw kaya naman kaagad siyang nakapagpasa. Napakabait ng ginang at maasikaso rin ito.
“How is it?” tanong ni Dylan at humigop ng inumin nitong orange juice sa hawak na baso. Ngayon ay kasalukuyan silang nasa labas ng isang garden restaurant na gawa sa purong narra at
