“PIPER, gising. Baka wala ka nang maitutulog mamaya.”
Iminulat niya ang kaniyang mga mata nang marinig ang boses ni Luisa at ang bahagyang pag-alog nito sa kaniyang balikat. Hindi niya napansing nakatulog na siya sa sofa sa paghihintay kina Liam at Dylan. Hanggang sa tumapat ng ala singko ng hapon ay hindi pa nakauuwi ang mga ito. Hindi niya tuloy mapigilang mag-alala. Idagdag pang hindi nito sinasagot ang kaniyang mga tawag. Marahan siyang bumangon at tumingin kay Luisa. “Tumawag o nag-text na ba si Liam? Nasaan na kaya ‘yon? Kahit si Dylan hindi ko makausap.” Malalim siyang napabuntong hininga.
Umiling si Luisa. “Wala eh. Habang natutulog ka sinubukan ko silang tawagan, kaso hindi rin naman sinasagot.”
Dahil sa sinabi ng kaibigan ay lalong tumindi ang kaba sa kaniyang dibdib. Nanla
