PINILIT ni Liam ibalik ang dating pakikitungo niya kay Piper. Hindi niya nais na mapansin ni Dylan ang pagkakalapit nila ng dalaga. Hindi sa araw na ito niya nais masira ang kanilang pagkakaibigan. Nang marinig niya ang door bell ay kaagad niyang binitawan ang hawak na magazine. Tapos na siya sa pagpapanggap na mayroong ginagawa upang iwasang malapit kay Piper. Tumayo siya at siya na mismo ang nagbukas ng pintuan para sa tiyuhin. “Good evening, Uncle.” Ngumiti siya.
Ngumiti ang ginoo. “Good evening, it's nice to see you again.” Tinapik nito ang kaniyang balikat at naglakad papasok sa loob ng silid.
Nagkibit balikat siya at isinara ang pintuan. Nagawi ang tingin niya sa dalaga na nakatayo sa gawing lamesa at masayang binati ang ama ni Dylan. Magkasalikop pa ang palad nito sa harapan, ha
