LITONG-LITO na si Luisa sa kaniyang ginagawa. Nagluluto siya ngunit wala roon ang isip, kaya ang naging resulta ay nakalimutan niyang lagyan ng asin ang pritong itlog na sana ay ulam niya para sa umagang ito. Sumimangot siya at malalim na bumuntong hininga. “Ano ba naman ‘to. Masisiraan ako ng bait.” Naupo siya sa hinatak na upuan kaharap ang lamesa at pinagmasdan ang kaniyang pagkain. Bahagya pang may nahalong maliliit na piraso ng balat ng itlog sa kaniyang ulam. Muli siyang napabuntong hininga. Nagsalin na lamang siya ng toyo sa isang platito at nagsimula nang kumain. Isinasawsaw na lamang ang iniluto sa toyo.
“Ang sarap ah, may balat pa.” Tumawa ang kasama niya sa bahay na si Aicell. Isa itong call center at bihira silang magkausap. “Bagong recipe.”
Natawa na lamang din siya. “Haya
