INIHAGIS ni Liam ang ginamit na tuwalya sa ibabaw ng kama. Hindi siya mapakali sa mga bagay na gumugulo sa kaniyang isip. Hanggang ngayon ay hindi niya napagtatanto ang tamang gawin sa kasalukuyang sitwasyon, ngunit isa lang ang kaniyang batid, hindi niya kayang ibigay si Piper kay Dylan. He cannot. Never. Ngayon lamang siya nakaramdam nang ganitong paghihirap sa kaniyang dibdib, at dahil iyon kay Piper. She made him realized many things in life, and even taught him things that he never learned before. Naupo siya sa gilid ng kama at paulit-ulit na napabuntong hininga. “Dammit! I can’t take this anymore!” Muli siyang tumayo at isinuot ang kaniyang T-shirt. Bihis na bihis siya at lumabas ng silid pagkakuha ng susi ng kaniyang sasakyan. Naabutan niya sa kusina si Dylan na kausap ang ama nito.
