CARSON
MABILIS na lumipas ang oras. Halos magdidilim na nang lumingon ako sa labas ng pader na salamin. Naging magaan ang buong maghapon namin ni Connor. Bagama't madalang kaming mag-usap dahil parehas kaming abala sa kaniya-kaniya naming mga gawain, tila may unawaang namumuo sa aming pagitan.
"Let's go home?" untag nito sa akin nang matapos nitong patayin ang kaniyang laptop.
"Just a minute," tugon ko saka mabilis na inilagay sa presentation ang isang importanteng detalye para sa aming proposal. "Okay, that's it for today," saad ko saka pinatay na rin ang aking laptop. Bahagya pa akong nag-inat dahil tila medyo nangalay ang likod ko dahil sa mahabang oras na nakaupo.
"Where do you want to have dinner?" tanong nito nang lumapit sa akin.
"Sa bahay mo na lang siguro? Para kasabay rin na
