CARSON
"WHAT are your plans tomorrow?" tanong ni Connor habang kumakain kami ng hapunan.
Tanging ang ilaw mula sa kusina na lamang ang buhay dahil halos nagpapahinga na rin ang lahat. Nagpasya kaming doon na lamang kumain kaysa gisingin pa ang mga kasambahay upang ipaghanda lamang kami nang makakain.
Kasalukuyan akong nakaupo sa ibabaw island counter na nasa gitna ng kusina. Hawak ko ang isang mangkok ng kanin at ulam. Si Connor naman ay gano'n din ang ginawa. Kumuha lamang ito ng isang mangkok at naglagay roon ng pagkain saka tumayo sa aking tabi.
Sabado kasi bukas at walang pasok sa trabaho kaya marahil nito natanong kung anong plano ko bukas.
"Hmmm...work? Marami pa tayong kailangang tapusin para sa proposal. We only have a few days left before the deadline. We need to finish tha
