CARSON
SERYOSO akong nakikinig sa bawat sabihin ni Andrew. Gusto kong maintindihang mabuti ang kalakaran sa opisinang ito. Hindi ko alam kung hanggang kailan ako mananatili sa katawan ni Avery at kung makakabalik pa ba ako sa dati kong buhay. Kaya hangga't maaari ay kailangan kong ayusin ang bawat hakbang na aking gagawin. Ayaw ko rin namang masira ang buhay ni Avery kung sakali mang bumalik na kami sa kaniya-kaniya naming buhay.
"Na-gets mo ba? Kapag may tanong ka, tawagan mo lang ako. And'yan naman ang local number ng HR. Hanapin mo lang ako," wika ni Andrew matapos nitong ipaliwanag ang lahat nang dapat kong malaman.
"Maraming salamat. So far, I'm getting the hang of it. But I'll make sure to call in case I have other questions," nakangiting turan ko.
Nangiwi ito matapos kong magsa
