Hindi alam ni Saia kung gaano siya katagal nanatili doon sa wing ng mga private rooms. Nagdesisyon lang siyang bumalik na sa wing ng ward nang tawagan siya ng ina. Hinahanap na raw siya ni Naddie kaya kailangan niya nang bumalik.
Pagkarating niya sa pintuan ng ward ng anak ay sandali siyang huminto at saka bumuntong-hininga. Kinuha niya ang cellphone sa bulsa ng kanyang shorts at itinapat iyon sa kanyang mukha para gawing salamin.
Sinigurado niyang hindi siya mukhang galing sa pag-iyak. Observant pa naman ang anak niya, baka magtanong na naman. Naghanda na rin siya ng kanyang script sa utak para sa mga itatanong nito at ng nanay niya. Muli ay bumuntong-hininga siya bago tuluyang pumasok sa loob ng ward.
Kitang-kita niya ang anak niyang nakasandal sa kanyang nanay habang hawak-hawak an
