Napuno ng bulong-bulungan ang buong conference room ng ANH. Nanatilo lamang sa gilid si Dee na nakapamewang at masamang masama ang tingin sa mga nagsasalit-salitang flash ng camera. Sa pinakaharap ay nakaupo ang limang miyembro ng Lights Out. May kani-kanilang mga microphone sa tapat nila. Nasa gitna si Duke. Pawang mga naka-sunglasses naman sina Maena at Kiarra. Seryosong nakatingin lang si Phil sa mga press habang si Kein ay pilit na pinanatiling normal ang kanyang mukha.
Tumayo ang isang reporter.
"Ano po bang rason kung bakit kayo nagpatawag ng presscon? Totoo po bang sariling desisyon niyo ito bilang grupo at hindi kasali ang inyong management?" sunod - sunod na tanong nito.
Agad na napatingin si Maena sa gilid kung saan nakapwesto si Dee. Umirap lang ang huli at pinanatiling ser
