Hindi na sinabi pa ni Saia ang nangyaring pagpunta nina Kiarra, Maena at Phil kanina. Hindi na rin naman kasi nagtagal ang mga ito. Nang bumalik siya sa pwesto niya ay hindi na niya nilingon ang mga ito.
Ilang sandali rin pagkatapos niyang pagbilhan yung mga teenagers ay dumating na rin si Rose na may dalang bananacue.
"Hoy, okay ka lang ba?" tanong nito sa kanya.
Agad siyang napabaling dito at sinalubong naman siya ng nakakunot nitong kilay.
"Ha? Bakit?" tanong niya.
Ngumuso ang pinsan niya.
"Sist, tulala ka na naman. Tsaka parang namumula ang pisngi at mga ilong mo. Para ring namamaga ang mga mata mo. Seryoso? Umiyak ka ba galing?"
Mabilis niyang iniwas ang tingin sa pinsan.
Napabuntong-hininga siya. Kahit kailan kasi napaka-observant ng pinsan niya. Inayos naman niya ang
