WALANG pagsidlan ang kasiyahan nina Georgia at Keandrix na gumala maghapon. Kinansela pa lahat ng appointment ni Keandrix about business para lamang maaliw si Georgia. Na hindi naman ito nabigo dahil para silang batang nakawala sa pamamasyal. Sa Star City nagpunta ang dalawa at lahat ng naroon ay kanilang sinubukan.
"Nag- enjoy ka ba?" tanong ni Keandrix sa dalaga habang iniaabot nito ang cone ng ice cream na hawak.
Nakaupo na sila sa may mga bench at nagpapahinga na. Pati mga bodyguards at driver ni Keandrix ay hindi nakaligtas sa kanilang amo. Kung saan sasakay ang dalawa ay doon din sasakay ang mga ito. Mukha namang enjoy ang mga ito dahil sa mga tawa at hiyaw nila. Naroon din sa mga bench ang mga alalay ni Keandrix at kumakain na rin ng ice cream.
"Thank you!" kiming sagot ni Georgi
