MAAGA pa ring nagising si Georgia kahit na nalasing silang magkakaibigan kagabi. Maaga kasi siyang tinawagan ni Keandrix dahil nakarating na ito sa San Francisco. Sinabi na rin ni Georgia na nasa Boracay siya kasama sina Maxine at ang tropa nito.
"Mag- iingat ka riyan, mahal ko! Mabuti nga iyong naglalakwatsa ka upang hindi ka maboring habang wala ako." Sabi ni Keandrix.
Napahagikhik naman si Georgia.
"Ito na lang ang gagawin ko kaysa magmukmok sa apartment. Isang araw pa lang na wala ka para ng isang buwan." Ani nito.
Si Keandrix naman ang natawa sa dalaga.
"Huwag kang ganyan, baka ipakuha na talaga kita kay Iñigo riyan at dalhin dito." Pagbabanta ng binata kunwari.
"Hmmm...parang gusto ko na nga!" tudyo naman ng dalaga.
Sabay pa silang nagkatawanan at hindi sukat akalain ni Georgi
