Lumipas ang tatlong araw ay naging matagumpay naman ang page ng gano’n kabilis hanggang sa nagising na lang ako dahil sa sunod-sunod na pagtunog ng aking cellphone kaya naman agad kong kinuha ito sa table. Nanglaki ang mga mata ko dahil sa nabasa kong ilang mga mensahe galing kay Anne.
“Max!” bulalas ko sa kanya at agad ko siyang niyugyog kahit na tulog na tulog pa ito. Umungol siya na may halong galit at agad siyang bumangon. Kahit kunot pa ang kanyang mata ay pinakita ko sa kanya ang mga mensahe ni Anne na naging dahilan para mas lalong maging masa ang kanyang timpla.
“Huwag mo na lang iyan pansinin at gusto lamang niyan na sirain ang negosyo mo,” sambit ni Max sa akin at sinuklay ang kanyang buhok gamit ang mga kamay niya. Hindi ako nagpadala sa mga sinasabi ni Max at binasa ko ang
