“Hindi mo ba pwedeng ipakilala sa akin ang may-ari ng kompanya na ito?” tanong ni Kristina kay Heidee at pinabasa niya ito sa akin. Napabugtong-hininga na lang ako dahil sa tanong na iyon pero may naiisip na akong paraan para matigil ang pag-uusisa ni Kristina kay Heidee.
“Sige, pumayag ka na sa gusto niya pero huwag ka muna magsabi ng araw sa kanya. Gusto kong biglaan siya kapag buo na ang plano ko,” sabi ko kay Heidee at agad naman siyang nagtipa ng sasabihin kay Kristina.
“Maiwanan ko muna kayo,” pagpapaalam sa amin ni Heidee at iniwanan na kami ni Max sa loob ng opisina.
“Anong plano mo?” tanong sa akin ni Max. Hindi pa man buo ang nasa isip ko ay pinaliwanag ko iyon sa kanya. Hindi naman siya tumutol sa naisip kong plano at sumang-ayon pa siya dito.
“Maganda iyan pero mag-iinga
