Naghintay lamang ako ng ilang minuto habang pilit na pinapakalma ng guard si Ichigo at nagtungo na kami agad sa office ng mall na iyon.
“Ano na naman ang gulo ninyong dalawa? Hindi pa lumilipas ang isang linggo ay may bago naman!” bungad sa amin ni Ma’am Deila. Kitang-kita ko ang galit sa kanyang mga mukha pero wala akong naramdaman na kahit ano dahil wala akong ginagawang masama.
“Eto po kasing si Eva! Pinagbibintangan ako sa mga kumakalat na hindi maganda tungkol sa kanyang page! Eh kung nagsasabi naman ang mga tao tungkol sa sinasabi sa kanya na hindi siya maganda at hindi model ang kanyang katawan, diba? At isa pa, porket may banggaan ang mga clothing line namin, ako na agad ang pagbibintangan niya?” bulalas ni Ichigo at kitang-kita ko na naman ang pawis sa kanyang noo pero agad ni
