“May itinayo noon si Kristina na isang clothing business at kilala na rin ang negosyo niyang iyon. Gusto mo bang mag-umpisa ka sa maliit na negosyo nila?” tanong sa akin ni Max matapos namin mapag-usapan na handa na ako para tulungan siya.
“Pero wala pa akong designs para iharap sa mga interesadong investors?” sagot ko kay Max pero nakita kong nakangisi lamang siya at nilabas ang kanyang cellphone. Hindi ko alam kung sino ang tinawagan niya. Ilang segundo lang ay pinindot niya ang loudspeaker button sa kanyang cellphone at narinig ko ang isang pamilyar na boses sa akin.
“Hello, Anne? May ginagawa ka ba ngayon?” tanong ni Max at nagtaka ako kung bakit niya tinawagan si Anne at kung ano ang magiging kinalaman niya sa usapan namin.
“Hindi naman Max pero aalis ako mamaya para sa isang ru
