Nang makabalik si Lotus ay parang wala na ulit nangyari kanina. Nagpatuloy ang kanilang inuman at naging masaya naman ito. Naramdaman ko ang pag-vibrate ng aking cellphone kaya agad kong kinuha ito sa aking bulsa. Cellphone pala ito ni Heidee pero nakita kong si Kristina ang tumatawag. Agad kong pinakita ito kay Max at naglakad na ako papunta sa kwarto kung nasaan si Heidee.
“Sagutin mo,” utos ko kay Heidee at nilahad ang aking kamay na may hawak ng kanyang cellphone. Kinuha niya naman iyon at pinindot ang loudspeaker para marinig naming dalawa ang sasabihin ni Kristina.
“Heidee, pwede mo ba sabihin sa boss mo kung gusto niyang sumama sa akin? Magpupunta ako ng bar later at gusto ko siyang kasama!” sabi ni Kristina at nagkatitigan kaming dalawa ni Heidee dahil sa pag-aaya niyang iyon.
