Pagod na pagod na ako kakaiyak at sa pagmamakaawa na huwag nilang sasaktan si Max pero hinila lang ni Kristina ang buhok ko at inilalayo sa kanila. Hinarap ko si Kristina at inipon ang buong lakas na mayroon ako para makipaglaban sa kanya.
“Ikaw ang may kasalanan nang lahat ng ito! Ano bang makukuha mo kung mag-away ang magkapatid!” sigaw ko kay Kristina at hinawakan ng mahigpit ang kanyang balikat tapos ay niyugyog ko siya. Kitang-kita ko ang takot sa kanyang mukha dahil doon.
Nagulat naman ako sa malakas na pagkakatumba ko at nakita kong tinulak ako ni Maxim. Sinugod naman siya ni Max at doon sila nagsimulang magkasakitan. Nakabawi naman agad si Kristina at sinugod ako. Nakapangibabaw siya sa akin, pilit ko naman na inilalayo ang kanyang kamay sa akin. Buong lakas ko siyang inilalayo
