Pagdating sa bahay naunang bumaba ng sasakyan si Shawn at mabilis itong umikot para pagbuksan siya ng pintuan. Pigil ang kilig niya nang buksan ni Shawn ang pintuan, inalalayan pa siya nito sa pagbaba.
"Salamat," pasalamat niya. Hawak-kamay silang naglalakad papasok nang mapatingin siya sa malinis na dagat. May mangilan-ngilan na naglalakad para mamasyal. Bukas ang Alvarez Beach para sa mga tao sa San Miguel, kaya hindi nakakapagtaka kung laging maraming tao sa beach.
Huminto siya sa paglalakad, nilingon siya ni Shawn. "Pwede ba tayong maglakad sa tabing dagat?" anyaya niya kay Shawn, ngumiti ito sa kanya at humigpit ang hawak sa kamay niya sabay tango.
Ngumiti siya sa asawa, at naglakad na sila pababa sa mahabang hagdan pababa sa tabing dagat. Magkahawak-kamay silang naglakad ni Sha
