Nagtatakbo siya palayo sa asawa. Nais niyang lumayo muna sa asawa, oo may pagkakamali siya simula pa lang, kasinungalingan na lahat, pero nagawa lang niya lahat 'yon dahil sa pagmamahal niya kay Shawn. Mahal na mahal niya ang asawa kaya kung anu-ano ang nagagawa niya para lang rito, at nasasaktan siya dahil tila hindi man nakikita ng asawa ang lahat ng ginagawa niya para rito, lahat ng sakripisyo niya para sa asawa, tanging nakikita lang sa kanya ng asawa ay ang mga pagkakamali niya at mga kasinungalingan niya.
"Ma'am ano po'ng nangyari?" gulat na tanong ng may-edad na babae sa kanya nang makababa ng hagdan.
Sinulyapan lang niya ito at nagtuloy sa pagtakbo. Nagtuloy siya sa may pintuan at tuluy-tuloy na lumabas ng bahay. Naririnig niya ang mga tawag sa kanya ng may-edad na babae, pero
