Maaliwalas ang ngiti niya habang nasa biyahe sila ng asawa papuntang Baguio. Ibang Shawn kasi ang nakikita niya ngayon, hindi ito galit sa kanya at nginingitian siya, at ito ang Shawn na matagal na niyang nais makasama.
Bago sila umalis kanina binulungan pa siya ng byenan na kung kinakailangan ay huwag daw silang tumigil para makabuo na, ay gawin nila ng asawa. Nais na daw kasi ng byenan na magkabata na sa mansyon. 'Yon din ang plano niya, ang makabuo na sila ng asawa. Alam niyang makakabuo sila sa gagawin nilang honeymoon sa Baguio.
"Nagugutom ka ba?" tanong ng asawa sa kanya.
Iniling niya ang ulo, busog siya, busog na siya sa kakatitig sa gwapong asawa, at nais nang makarating sa Baguio para masimulan na nila ang honeymoon.
"Busog pa ko," nakangiting sagot niya.
"Pwede tayong h
