Kanina pa n'ya tinititigan ang asawang natutulog, sinamahan n'ya ang asawa sa silid, iyak ito ng iyak dahil sa mga larawang pinadala rito. Alam n'yang natakot ang asawa, kitang-kita n'ya ang takot sa mga mata nito kanina habang umiiyak. Kaya naman hindi na muna n'ya iniwan ang asawa sa silid, sinamahan n'ya ito hanggang sa makatulong na sa kakaiyak.
Nakahiga ito sa kama patagilid at kitang-kita n-ya ang kagandahan ng asawa. Maganda naman talaga si Hainna kahit noon pa mang kabataan nito, at alam n'yang maraming lalaking nagagandahan sa asawa. Isa na ang kumukuha ng mga larawan ng asawa, at kung sino ang gumagawa nito ay hindi pa n'ya alam. Tinawagan n'ya ang P.I kanina at sinabing inaayos pa ang mga lead nito at humihingi pa ito ng dalawa hanggang tatlong araw pa, bago may maibigay na sa
