Andrea
"SABIHIN mo, magkano ang binayad nila sa 'yo para gawin sa isang inosenteng tao ang bagay na iyon?!" sunod-sunod kong bulyaw sa isang lalaki na nasa aking harapan.
Nang malaman ni Marco ang kinaroroonan ng lalaking pinahahanap ko, agad niya itong pinakuha sa mga taong inupahan niya at doon ko nalaman na tama ang aking hinala, ang lalaking ito ang taong inupahan ni Bryan upang ako ay paslangin, ang lalaking nakaupo ngayon sa aking harapan at nakaposas.
"Ilang taon na 'yong nakalipas, ma'am. At ito talaga ang trabaho ko. Isa akong hired killer at sa pagkakataong ito, ngayon lang ako pumalya sa pagpatay ng isang tao," aniya. Prente siyang umupo sa kahoy niyang kinauupuan saka diretsong tumingin sa aking mata. "Ikaw siguro ang isa sa malalaking pinatrabaho sa 'kin kaya ako madaling n
