Elise
TAHIMIK akong kumakain ng steak habang ang aking mga kasama ay nag-uusap-usap tungkol sa mga bagay-bagay na hindi ko naman naiintindihan.
Lihim akong sumulyap sa lalaking nasa aking harapan na katabi ni Eve. Alam kong nakita ko na siya at pamilyar ang hitsura niya sa akin. Saan ko nga ba siya huling nakita?
Maya-maya lang, dahil sa kasusulyap ko sa kanya, nanlaki ang aking mga mata nang mahuli niya akong nalatingin sa kanya.
"May problema ba?" tanong sa akin ng lalaking fiance ni Eve.
"H-Ha? A-Ano kasi," nauutal ko pang wika.
Pareparehong huminto sa pagkain sina Marco at Eve nang magsimula ang conversation sa pagitan namin ng lalaking kaharap ko.
"Ah! Oo nga pala, nagkita na kayo noon 'di ba, Elise?" tanong sa akin ni Marco habang nakaturo sa lalaking nasa aking harapan. "Siya
