Elise
MABILIS na tinabi ni Eve ang kanyang cell phone. Nilagay niya ito sa bulsa ng kanyang gown at ngumiti sa akin.
"W-Wala naman, kumusta?" tanong niya.
"Okay lang. Ikaw ang kumusta? Congratulations sa kasal mo," pagbati ko sa kanya habang naglalakad patungo sa isang sofa na hindi kalayuan sa kanyang kinaroroonan.
"Excited ako, siyempre. Sa wakas ay maikakasal na kami ni Liam. Napakasarap isipin na matapos ang maraming pagsubok na dumating sa amin, nandyan pa rin siya at hindi niya ko iniwan," sunod-sunod na kuwento ni Eve saka muling bumalik ng tingin sa salamin at nagpatuloy ang mga make-up artist sa pag-aayos ng kanyang kolorete.
"Katulad din namin ni Marco. Sa dami ng pinagdaanan namin, hindi niya ako iniwan at hindi niya sinukuan ang katigasan ng aking ulo," nangingiti kong tug
