Elise
BUMALIK ako sa aking kompanya at tinuloy ang pagtatrabaho. Kahit late na akong nakarating sa opisina, natapos ko pa rin ang kalahati ng dokumentong nasa aking lamesa.
"Ma'am, coffee po?" pag-aya sa akin ng aking bagong sekretarya, sabay sa paglapag ng kape sa aking lamesa.
Marahan kong tinaas ang aking ulo at nagbigay ng matamis na ngiti sa kanya.
"Sorry pero starting today, I will not drink coffee. Thank you, Annie," malambing kong wika sa kanya.
"Ah! Sige po, ma'am. Nakakapanibago naman po dahil madalas kayong magkape," aniya saka marahang kinuha ang kape na pinatong sa aking lamesa.
"K-Kasi..." nag-aalinlangan kong wika. Ayoko sanang sabihin kahit na kanino ang tungkol sa aking pagdadalang-tao pero sa tingin ko, kailangan ko ring ipaalam upang may makatulong sa akin kahit pa
