Elise
HALOS hindi ako makahinga at hindi alam kung paano ipe-present ang sarili sa ngayon. Suot ko ang pinakamamahalin at pinakamagandang dress na maaari kong suotin pero pakiramdam ko ay hindi pa rin ako maganda. Hindi ko rin alam kung paano igagalaw ang aking daliri, paano ibubukas ang aking labi, at kung paano ako sasagot sa mga importanteng tao na nasa aking harapan ngayon.
Mariin akong napalunok habang diretsong nakatingin sa akin ang daddy at mommy ni Marco. Ganito pala ang pakiramdam ng labis na kinakabahan. Pakiramdam ko ay ano mang oras, maaari nila akong i-judge dahil napakalagkit ng tingin nila sa akin.
Niyuko ko ang aking ulo dahil sa hiyang nararamdaman ko. Gamit ang aking daliri, tinaas ko ang strap ng suot kong dress nang sandali itong madulas pababa sa aking balikat. Sa
