Jheimwel Rain
"Darren, h-huwag mo na lang sasabihin kay teacher. Napindot ko lang naman talaga 'yon, eh," aniko kay Darren habang hinahabol ko siya sa paglalakad paakyat sa hagdan.
Katatapos lang naming kumain ng hapunan at 'yong p'wede pang karne ng baka na nasunog ay niluto na lang ni Darren sa toyo na may mga sibuyas, bawang at kalamansi.
Hindi ko alam kung ano ang tawag doon. Pero masarap naman ang kinalabasan.
"But you still lied to me." Nilingon niya ako at binigyan ng matalim na tingin.
"Eh, sorry na nga, eh. N-Nahihiya kasi ako, eh." Hila-hila ko ang tela ng polo niyang puti na pangtrabaho at hindi ko magawang bitawan.
"Nahihiya ka kaya mas pinili mo na lang na magsinungaling sa akin?"
Pumasok kami sa loob ng silid niya na naging silid ko na rin sa loob ng ilang buwan ko n
