EIGHT MONTHS LATER
Naalimpungatan ako nang makarinig ako ng mga ingay ng mga manok at itik sa paligid. Sa namimigat kong katawan ay dahan-dahan akong bumangon. Napahawak at napahaplos ako sa napakalaki ko nang tiyan.
"Good morning, anak--ah."
Napakislot ako nang maramdaman ko ang bigla niyang pagsipa. Wala sa sarili akong napangiti.
"Ang likot-likot na talaga ng baby ko. Gusto mo na bang lumabas? Naiinip ka na ba? Huwag kang mag-alala dahil si Mommy rin. Super excited na akong makita ka, anak? Sino kaya ang kamukha mo? Si Daddy kaya o si Mommy--ah." Muli akong napaigtad nang maramdaman kong muli ang malakas niyang pagsipa.
Mas lalo akong napangiti dahil pakiramdam ko ay naririnig niya ako at naiintindihan ang mga sinasabi ko.
"Anak, gising ka na ba?" Napalingon naman ako sa pinto ng
