"Nabusog ka ba?" tanong ni Niall nang matapos naming magmirienda ng nilagang kamote na tinernohan lamang ng tang pineapple juice.
"Hmnn. Salamat." Tumango ako at binigyan siya ng munting ngiti. Hanggang ngayon ay hindi pa rin ako makapaniwala na may buhay pala siyang ganito sa kabila nang pagiging barumbado niya sa school at sa pagiging spoiled brat niya.
Nasabi na niya sa akin na ito ang tunay niyang pamilya ngunit hanggang doon lang at hindi na niya sinabi kung paano siya napunta sa pamilya sa siyudad na mayroon siya ngayon. Hiniling din niya sa akin na walang ibang dapat na makaalam nito kundi kaming dalawa lang, ang kapatid niyang si Shynelle at ang kanyang ina.
Ang buong pagkakaalam naman ng mga taong naririto ay nagtatrabaho siya bilang driver sa isang mayamang pamilya kaya malaya
