Lumakas ang kabog ng dibdib ko habang nakatitig din kay Rhyan na ngayon ay nagtungo na sa mesang napupuno ng iba't ibang klase ng pagkain at mga inumin dahil ang mga magpipinsang Delavega ay may mga dala ring pagkain at inumin.
Si Onyx ay naririto rin at nakangiting tumango sa akin. Sinuklian ko na lamang din siya ng munting ngiti at saka muling bumaling kay Rhyan na hindi man lang ako pinansin.
"Ang sexy mo naman, ate Sia! 'Di ba, kuya Rhyan?!" sigaw namang bigla ni Accel habang may nakakalokong ngiti na bumaling kay Rhyan.
Hindi naman siya nilingon ni Rhyan at seryoso lamang sa pagbubukas ng can beer at mabilis din niya itong nilagok.
"Yeah, right. I thought Ivana Alawi got lost here," sabat naman ni Charles kasunod nang kanyang paghalakhak.
Bigla naman siyang hinagisan ni Rhyan ng
