Naiinis at may pagtataka sa mukha ni Blake sa inasal ng kanyang kapatid tungkol kay Gwen. Nag-alaala rin naman siya rito pero nang tawagan si Ruth ay bahagya siyang napanatag nang sabihin nitong maayos lang ito.
Naiiling na lamang siya saka sumunod sa kapatid pababa sa hagdan upang dalawin ang kanyang papa sa ospital.
Pagbaba ay nakita ang kanyang hipag na nakatingin sa kanya. "Ate Cath," turan niya rito.
Ngumiti ito ng matipid.
"Nice to see you, mabuti naman at lumabas ka na sa silid mo, akala namin at mag-eermitanyo ka na," biro nito na kahit papaano ay nagpatawa sa kanya nang maya-maya ay may tumikhim ng malakas buhat sa kung saan.
Kapwa sila napabaling ni Cath sa kinatatayuan ng kanyang Kuya Benj.
"Hey, hon, nandiyan ka na pala, so, aalis na ba tayo?" malambing na saad ni Cath aw
