LUMIPAS ang ilang araw na paghighintay. Ngayon na ang araw na pinakahinihintay ko sa lahat, ang business party kung saan dadalo rin sina Patricia and Giovanni. Makikita na muli nila akong dalawa. Maingay pa man din ang pangalan nila dahil bagong kasal silang dalawa kahit isang linggo na ang nakakalipas.
Paniguradong maraming lalapit sa kanila para batiin silang dalawa. Hindi lang ako sigurado kung sasama rin sa dadalo sina mommy at Bianca na iyon, ayos lang naman sa akin na dumalo sila para pare-parehas silang mapahiya mamayang gabi.
“Miss Quence, dumating na po iyong mag-aayos sa inyo! Pinapunta na po ni ate Lisa sa guest room.”
Napatingin ako sa aking likod at nakita ko si Faith, nakangiti siya sa akin nang sabihin niya iyon. “Ganoʼn ba? Sige, pupunta na ako roon, Faith. Pakisamahan
