"Mag-aral kang mabuti. Maging isang mabuting tao. May dignidad. May integridad. Iyan lang ang hihingin ko sa iyo, para maipagkatiwala ko sa iyo nang buong-buo ang apo ko."
Iyan ang hindi ko makakalimutang isinagot sa akin ni Lola Martha. Magmula noon, nakikibalita ako lagi kay Jazz sa pamamagitan ni Lola Martha. Hindi ko pa rin siya nakakalimutang dalawin tuwing sasapit ang summer vacation. Kaming tatlo ni Lola Cion ang laging magkakasama kapag nandito ako sa Zaragoza.
"Lola Martha, magbihis ka, aalis tayo," excited kong sabi sa kanya pagkadating na pagkadating ko dito sa mansiyon ng mga Bustamante.
Panahon na naman uli ng summer vacation, kaya nandito uli ako sa Zaragoza.
"Oh, lagi naman tayong umaalis na tatlo, di ba? Ano'ng kaibahan ngayon? Bakit parang excited na excited ka?" tano
